ఒక వ్యక్తి పోలీసుని రోడ్డుపై కొడ్తున్న వీడియో ని ఫేస్బుక్ లో పోస్ట్ చేసి, అతను పోలీసుని రోడ్డు పై గుంతలు మరియు సిగ్నల్ లైట్ బాగు చేయకుండా తనకి చలానా వేసినందుకు కొట్టాడు అని ఆరోపిస్తున్నారు. దాంట్లో ఎంతవరకు నిజముందో పరిశీలిద్దాం.

ఆ పోస్ట్ యొక్క ఆర్కైవ్డ్ వెర్షన్ ఇక్కడ చూడవచ్చు.

క్లెయిమ్ : వీడియోలో ఆ వ్యక్తి పోలీసుని రోడ్డు పై గుంతలు మరియు సిగ్నల్ లైట్ బాగు చేయకుండా తనకి చలానా వేసినందుకు కొట్టాడు.

ఫాక్ట్ (నిజం): హెల్మెట్ ధరించకుండా వాహనం నడుపుతున్నందుకు పోలీసు కానిస్టేబుల్ ఆ వాహనదారుడుని ప్రశ్నించడంతో, ఆగ్రహించిన ఆ వ్యక్తి పోలీసుని కొట్టాడు. కావున, పోస్టులో చేసిన ఆరోపణ తప్పు

పోస్టు లో ఉన్న వీడియోని ‘ఇన్విడ్’ ప్లగిన్ లో అప్లోడ్ చేసినప్పుడు, దాని యొక్క కీఫ్రేమ్స్ వచ్చాయి. ఆ కీఫ్రేమ్స్ ని రివర్స్ ఇమేజ్ సెర్చ్ చేసినప్పుడు ఒక కీఫ్రేమ్ “ఈనాడు” వారు ప్రచురించిన కథనం లో లభించింది. ఆ కథనం ద్వారా, ఒక వ్యక్తి  హెల్మెట్ ధరించకుండా వాహనం నడుపుతున్నందుకు పోలీసు కానిస్టేబుల్ ప్రశ్నించడంతో, అతను కోపంగా ఆ పోలీసు అధికారి పై దాడికి దిగినట్లుగా తెలిసింది.

అదే విషయాన్ని తెలుపుతూ “India times” వారు ప్రచురించిన కథనం ఇక్కడ చూడొచ్చు. ఈ కథనం ప్రకారం, ట్రాఫిక్ హోమ్ గార్డ్ కి మరియు ఇంకో వ్యక్తి కి హెల్మెట్ విషయంలో గొడవ జరిగి, అది ఇద్దరూ ఒకరినొకరు కొట్టుకునేదాకా పోయింది.

చివరగా, వీడియోలో ఆ వ్యక్తి పోలీసుని కొట్టింది హెల్మెట్ ధరించలేదని ప్రశ్నించినందుకు, రోడ్డు పై గుంతలు మరియు సిగ్నల్ లైట్ బాగుచేయకుండా తనకి చలానా వేసినందుకు కాదు.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?


The post ఆ వ్యక్తి పోలీసుని కొట్టింది రోడ్డు పై గుంతలు మరియు సిగ్నల్ లైట్ బాగుచేయకుండా తనకి చలానా వేసినందుకు కాదు appeared first on FACTLY.

Read the Full Fact Check Right Here